"Реал" Испания чемпионати доирасидаги "Барселона"га қарши уй учрашувига тайёргарлик кўрмоқда. Мадрид клуби расмий сайтида маълум қилинишича, бир вақтнинг ўзида соғлиғи билан боғлиқ муаммоларга дуч келган тўрт нафар футболчи умумий гуруҳда тўлиқ машғулот ўтказган. Ушбу рўйхатдан Дани Карвахаль, Трент Александр-Арнольд, Дин Хёйсен ва Дани Себальос ўрин олган.
"Эл-класико" олдидан бирданига тўрт футболчининг сафга қайтиши "Реал" мухлисларини хурсанд қилмай қолмайди.
Шу билан бирга, Мадрид клуби жума куни Давид Алаба ва Антонио Рюдигер ёпиқ бинода машғулот ўтказганини таъкидлади.
"Реал" - "Барселона" учрашуви 26 октябрь куни Тошкент вақти билан 20:15да бошланади.
