Собиқ футболчи Жейми Каррагер "Манчестер Сити" ҳужумчиси Эрлинг Холанд аллақачон Англия футболи тарихидаги энг буюк тўпурар эканлиги ҳақидаги фикрни билдирди.
Унинг таъкидлашича, норвегиялик футболчи Пеп Гвардиола жамоасининг муваффақиятида муҳим рол ўйнайди ва чемпионлик унвонини қайтариб олиш имкониятларини кўп жиҳатдан белгилайди.
Каррагернинг таъкидлашича, "Сити"нинг Холандга таяниши хавотирга сабаб бўлмаслиги керак, аксинча, унинг ажойиб қобилиятлари унга ўйинлар натижасини деярли якка ўзи ҳал қилиш имконини беради.
"Ҳозирги ўйинига қараб, Холанд барча рекордларни янгилайди ва футбол тарихидаги энг сермаҳсул ҳужумчига айланиш салоҳиятига эга", деди Каррагер.
