«Манчестер Юнайтед» бош мураббийи Рубен Аморим Англия Премьер-лигасининг 9-туридаги «Брайтон»га қарши ўйин олдидан ўз фикрларини билдирди. Учрашув 25 октябрь куни «Олд Траффорд» стадионида бўлиб ўтади.
«Менимча, бу жуда қийин ўйин бўлади. “Брайтон”нинг ўйинини кузатиш ҳар доим қизиқ. Улар ҳужумларни яхши ташкил қилади, тез қарши ҳужумга чиқади ва ўйиннинг барча жиҳатларида кучли. Бу мавсумда стандарт вазиятларда ҳам жуда самарали ўйнашяпти. Жуда ҳамжиҳат жамоа. Бизда айрим қийинчиликлар бор — ҳафта давомида Гарри Магуайр ва Мэйсон Маунтда муаммолар бўлди, аммо жиддий эмас. Эртага кўрамиз», — деди Аморим The Sun нашрига берган интервьюсида.
Англия чемпионатида 8 турдан сўнг «Манчестер Юнайтед» 13 очко тўплаган ва турнир жадвалида 9-ўринни эгаллаб турибди. Чемпионатда 19 очко билан «Арсенал» пешқадамлик қилмоқда.
Англия — Премьер-лига. 9-тур
25 октябрь 2025 йил, шанба. 21:30
Манчестер Юнайтед (Манчестер) — Брайтон энд Хоув Альбион (Брайтон энд Хоув)













