«Manchester Yunayted» bosh murabbiyi Ruben Amorim Angliya Premyer-ligasining 9-turidagi «Brayton»ga qarshi o‘yin oldidan o‘z fikrlarini bildirdi. Uchrashuv 25 oktyabr kuni «Old Trafford» stadionida bo‘lib o‘tadi.
«Menimcha, bu juda qiyin o‘yin bo‘ladi. “Brayton”ning o‘yinini kuzatish har doim qiziq. Ular hujumlarni yaxshi tashkil qiladi, tez qarshi hujumga chiqadi va o‘yinning barcha jihatlarida kuchli. Bu mavsumda standart vaziyatlarda ham juda samarali o‘ynashyapti. Juda hamjihat jamoa. Bizda ayrim qiyinchiliklar bor — hafta davomida Garri Maguayr va Meyson Mauntda muammolar bo‘ldi, ammo jiddiy emas. Ertaga ko‘ramiz», — dedi Amorim The Sun nashriga bergan intervyusida.
Angliya chempionatida 8 turdan so‘ng «Manchester Yunayted» 13 ochko to‘plagan va turnir jadvalida 9-o‘rinni egallab turibdi. Chempionatda 19 ochko bilan «Arsenal» peshqadamlik qilmoqda.
Angliya — Premyer-liga. 9-tur
25 oktyabr 2025 yil, shanba. 21:30
Manchester Yunayted (Manchester) — Brayton end Xouv Albion (Brayton end Xouv)













