Ҳафта давомида "Челси" Чемпионлар лигасида "Аякс"ни қабул қилди ва 5:1 ҳисобида ғалаба қозонди. Биринчи бўлим охирида лондонликлар пенальтидан иккита гол уришди. Дастлабки 11 метрлик жарима зарбасини Энцо Фернандес, иккинчисини Эстевао амалга оширди. "Аристократлар" етакчиси Энцо Марескага Фернандеснинг зарба бериш ҳуқуқини ёш бразилияликка бергани ёқди.
"Мен ўйиндан кейин футболчиларга ғалаба ва уч очкодан жуда хурсанд эканлигимизни айтдим. Аммо ўша ўйиндаги энг асосийси - Энцо тўпни Эстеваога бергани бўлди. Бу ҳозир жамоада қандай бирлик борлигини кўрсатади. Айнан шу нарса бизга керак, агар биз жиддий нарсага эришмоқчи бўлсак," - деди Мареска журналистларга.
25 октябрь, шанба куни "Челси" Премьер-лига доирасидаги "Сандерленд"га қарши уй учрашувини ўтказади.
