Мадриднинг "Реал" клуби ҳимоячиси Даниэль Карвахаль "Барселона" ҳужумчиси Ламин Ямалнинг "класико"дан бир неча кун олдин мадридликлар "фирибгарлик қиляпти ва шикоят қиляпти" деган фикридан норози бўлди.
Бу сўзлар пойтахт клуби футболчилари орасида салбий муносабат уйғотди. Mundo Deportivo нашри тарқатган хабарга кўра Карвахаль "Барселона"нинг ёш форварди билан бўлажак ўйиндан кейин унинг фикрини шахсан муҳокама қилишни режалаштирмоқда. Испаниялик вазиятга ойдинлик киритиб, айтилганларга ўз муносабатини билдирмоқчи.
Ла Лига доирасидаги "Реал" - "Барселона" учрашуви 26 октябрь куни бўлиб ўтади.
