Икер Касиляснинг уйига ўғирликка тушишди.
Marca нашрининг хабар беришича, Испания миллий полицияси Касильяснинг хизматкори ва бир яна кишини собиқ "Реал Мадрид" ва Испания терма жамоаси дарвозабонининг уйидан бешта ҳашаматли соатни ўғирлашда гумон қилиб ҳибсга олди.
Тергов натижасида ўғирланган иккита соат қайтариб олинди, қолган учтасини қидириш эса давом этмоқда.
Касильяс ўғирлик ҳақида 16 октябрь куни, уйидан соатлар йўқолганини пайқаганидан кейин хабар берган. Гумонланувчилар мамлакатни тарк этишни режалаштиришган ва 21 октабр, сешанба куни ҳибсга олинган.
