Футбол бўйича Ла Лига 10-туридан ўрин олган "Реал" - "Барселона" учрашуви 26 октябрь, якшанба куни бўлиб ўтади. Учрашув Тошкент вақти билан 20:15'да старт олади.
Қайд этилишича, "кўк-анорранглилар" "қаймоқранглилар" устидан ғалаба қозонса, каталонияликлар бош мураббийи Ханс-Дитер Флик "Барселона"нинг афсонавий собиқ бош мураббийи Пеп Гвардиоланинг ажойиб рекордини такрорлаши, яъни "Реал" устидан кетма-кет 5 та расмий ўйинда 5 та ғалаба қозониши мумкин бўлади.
Қизиғи, Флик мадридликларга қарши ўйинда жамоа бошқарувида шахсан иштирок эта олмайди, чунки у ўтган турда "Жирона"га қарши ўйинда (2:1) қизил карточка олганди.
