Futbol bo‘yicha La Liga 10-turidan o‘rin olgan "Real" - "Barselona" uchrashuvi 26 oktyabr, yakshanba kuni bo‘lib o‘tadi. Uchrashuv Toshkent vaqti bilan 20:15'da start oladi.

Qayd etilishicha, "ko‘k-anorranglilar" "qaymoqranglilar" ustidan g‘alaba qozonsa, kataloniyaliklar bosh murabbiyi Xans-Diter Flik "Barselona"ning afsonaviy sobiq bosh murabbiyi Pep Gvardiolaning ajoyib rekordini takrorlashi, ya’ni "Real" ustidan ketma-ket 5 ta rasmiy o‘yinda 5 ta g‘alaba qozonishi mumkin bo‘ladi.

Qizig‘i, Flik madridliklarga qarshi o‘yinda jamoa boshqaruvida shaxsan ishtirok eta olmaydi, chunki u o‘tgan turda "Jirona"ga qarshi o‘yinda (2:1) qizil kartochka olgandi.