"Челси" футболчиларини клуб базасидан эвакуация қилишга тўғри келди, чунки бассейнда хлор сизиб чиқиши мумкин эди. The Sun нашрининг хабар беришича, жума куни тушдан кейин Лондон клуби базасидаги бассейн ҳудудида сигнализация ишлаб кетган ва футболчилар ходимлар билан бирга асосий бинони тарк этишган.
Ўт ўчирувчилар воқеа жойига етиб келишди. Текширувдан сўнг барча футболчилар бинога қайтиб, ўз нарсаларини олиб кетишга муваффақ бўлишди.
"Барча ходимлар хавфсизлик нуқтаи назаридан эвакуация қилинди. Кейинчалик бу ёлғон тревога эканлиги тасдиқланди," - дейилади клуб хабарида.
"Челси" шанба куни ўз майдонида "Сандерленд"га қарши баҳс олиб боради.
