Саудия Про-лигасининг 6-туридан ўрин олган баҳсда «Ан-Наср» сафарда «Ал-Ҳазм»ни 2:0 ҳисобида мағлуб этди. Учрашув Ар-Рас шаҳрида бўлиб ўтди.

Биринчи бўлимда меҳмонлар ташаббусни қўлга олишди ва 25-дақиқада Жоау Феликс ҳисобни очди. Иккинчи бўлимнинг сўнги қисмида (88-дақиқада)эса Криштиану Роналду жамоасининг иккинчи голини урди ва ғалабани мустаҳкамлади. Бу гол португалиялик юлдуз учун фаолиятидаги 950-гол бўлди .

Шу тариқа «Ан-Наср» жорий мавсумдаги навбатдаги ғалабасини қўлга киритди ва жадвалда етакчиликни сақлаб қолди. 6 турдан кейин Ар-Рияд клуби 18 очко билан биринчи ўринда, «Ал-Ҳазм» эса 5 очко билан 14-поғонада жойлашган.

Саудия Арабистони — Про-лига. 6-тур
25 октябрь 2025 йил, шанба.
Ар-Рас, «Ал-Кудсия» стадиони
«Ал-Ҳазм» — «Ан-Наср» — 0:2
Голлар: 0:1 — Феликс (25'), 0:2 — Роналду (88')