"Бавария"нинг ҳужумкор ярим ҳимоячиси Леннарт Карл кетма-кет иккинчи ўйинида гол урди.
Шанба куни 17 ёшли вундеркинд захирадан майдонга тушганидан атиги беш дақиқа ўтиб, "Боруссия Мёнхенгладбах"га қарши ўйинда гол урди.
Жамоа устози Компани ушбу футболчи ҳақида гапирди.
"Карл ажойиб формада, кетма-кет иккита ўйинда гол урмоқда. Унинг атрофида жуда кўп гаплар айтилмоқда, бу "Бавария" даражасидаги клуб учун нормал ҳолат, асосийси хотиржамликни сақлаш ва ишлашда давом этиш.
Танқидга дуч келганингизда ҳам шундай қилишингиз керак. Шунда Ленни яхши бўлади", деди Компани матбуот анжуманида.
