"Ювентус"нинг афсонавий собиқ футболчиси Алессандро дель Пьеро жамоанинг жорий мавсумдаги муваффақиятсизлиги ҳақида фикр билдирди.
Якшанба куни "бьянконерилар" Римда "Лацио"га минимал ҳисобда имкониятни бой бериб, кетма-кет учинчи мағлубиятни қабул қилиб олди. Туринликлар кетма-кет саккизта ўйинда ғалаба қозона олмаяпти ва матбуотда мураббий Игор Тудорнинг тез орада истеъфога чиқарилиши ҳақида гап-сўзлар кўпайиб бормоқда.
- Менимча, гап фақат Тудорда эмас. Бу анча мураккаб муаммо: гап жамоанинг қандай ташкил этилишида, футболчиларнинг ўйнаган-ўйнамаганлигида, уларнинг ҳаракатлари қандай бўлишида. Футболчилар муваффақиятсиз натижалар фонида ўзларини тобора ёмон ҳис қилмоқда," - дея дель Пьеронинг сўзларини келтиради "Gazeta.Ru."
"Ювентус" 12 очко билан А Серия 8-туридан кейин турнир жадвалида 8-ўринда бормоқда.
