"Ювентус"нинг муваффақиятсизликлар кетма-кетлиги якшанба куни А Серия доирасида "Лацио"га қарши ўйинда давом этди. Римликлар 9-дақиқада Том Башичнинг голи эвазига ўз майдонида минимал ҳисобда устун келди. Туринликлар қаторасига саккизинчи ўйинда ғалаба қозона олмади. Бундан ташқари, Optaнинг хабар беришича, Игор Тудор жамоаси кетма-кет тўртта учрашувда гол ура олмаган - бу узоқ 1991 йилдан бери кузатилмаганди.

"Ювентус" 8 турдан сўнг 12 очко жамғарган ҳолда Италия чемпионати турнир жадвалида 8-ўринни эгаллаб турибди. 29 октябрь, чоршанба куни "бьянконерилар" ўз майдонида "Удинезе"ни қабул қилади.