Мадриднинг "Реал" клуби Ла Лига доирасидаги якшанба кунги ўйинда "Барселона"ни мағлуб этди (2:1). Ўнг қанот ҳимоячиси Даниэль Карвахаль 72-дақиқада захирадан майдонга тушди ва ҳисобни ушлаб қолишга ёрдам берди. Ғалаба 33 ёшли футболчи учун "қаймоқранглилар" сафидаги Ла Лига доирасидаги 200-ғалаба бўлди. Шу муносабат билан "қироллик клуби" президенти Флорентино Перес футболчига "Лигадаги 200 ғалаба" ёзуви туширилган "Реал"нинг махсус футболкасини топширди.
Умуман олганда, Даниэль Карвахаль барча мусобақаларда Мадрид гранди либосида 436 та ўйин ўтказиб, 14 та гол ва 65 та голли узатмани амалга оширган. Тажрибали испаниялик олти марта Чемпионлар лигаси ғолиби бўлган ва тўрт марта Ла Лига кубогини боши узра кўтарган.
