"Манчестер Сити" Хосеп Гвардиоланинг ўрнини эгаллаши мумкин бўлган номзодларни кўриб чиқмоқда.

Испанияликнинг "шаҳарликлар" билан амалдаги шартномаси 2027 йилнинг ёзига қадар мўлжалланган - шундан сўнг мутахассис Англиядаги фаолиятини якунлаши тахмин қилинмоқда. TEAMtalk хабарига кўра, "Манчестер Сити"да Венсан Компани Гвардиоланинг эҳтимолий ворисларидан бири сифатида кўрилмоқда. Куни кеча бельгиялик мутахассис "Бавария" билан 2029 йилгача мўлжалланган янги шартнома имзолади, аммо инглиз гранди раҳбарияти Пеп билан хайрлашган тақдирда барибир жамоанинг собиқ сардорини қайтаришга уриниб кўради.

Гвардиола "Манчестер Сити"да 2016 йилдан буён ишлаб келмоқда. Компани ўтган мавсум олдидан "Бавария"ни қабул қилиб олганди.