Туриннинг «Ювентус» клуби бугун эрталаб бош мураббий Игор Тудорга ишдан бўшатилиш қарори ҳақида хабар берди. Бу ҳақда инсайдер Фабрицио Романо маълум қилди.
Клуб вақтинчалик равишда ёшлар жамоаси устози Массимо Брамбиллани бош мураббий этиб тайинлади. У жамоани яқин ўйинларда бошқариб туради, то клуб янги доимий бош мураббий номзодини белгилаб олгунча.
Эслатиб ўтамиз, Игор Тудор бошчилигидаги «Ювентус» сўнгги 8 ўйиндан буён ғалаба қозона олмаяпти - 5 дуранг, 3 мағлубият.













