Игор Тудор "Ювентус"дан истеъфога чиқарилди.
Клуб хорватиялик мутахассиснинг истеъфосини эълон қилди. "Ювентус"нинг ўринбосарлар жамоасини бошқараётган Массимо Брамбилла вақтинчалик бош мураббий этиб тайинланди.
Тудор 2025 йилнинг мартидан бери "Ювентус"ни бошқариб келаётганди, ўтган ёзда мураббий билан шартнома 2027 йилгача узайтирилганди. Унинг қўл остидаги сўнгги ўйинда жамоа "Лацио"га 0:1 ҳисобида имкониятни бой бериб, барча турнирлардаги ғалабасиз сериясини 8 ўйинга етказди. А Серия турнир жадвалида "бьянконерилар" 8 турда 12 очко жамғарган ҳолда 8-ўринда бормоқда.













