Ҳужумчи Винисиус Жуниор "эл-класико"нинг иккинчи бўлимида Хаби Алонсо уни алмаштиришга қарор қилганига жавобан майдонда ғазабини намойиш этди.

Испания матбуоти, хусусан, Mundo Deportivo саҳифаларида "Реал" Винисиуснинг бу хатти-ҳаракатини жиддий интизом бузилиши сифатида баҳолаши мумкинлиги ҳақида ёзмоқда. Бразилиялик футболчига 53 минг еврогача жарима солиш ёки ҳатто 2 кундан 10 кунгача маошсиз ҳолда футболдан вақтинчалик четлаштириш таҳдиди мавжуд.

Taъкидланишича, клуб ичида баъзилар Винисиусга нисбатан интизомий чора кўрилишини кутмоқда, бошқалар эса масала Хаби Алонсо ва футболчи ўртасида шахсий тарзда ҳал этилиши лозим, деб ҳисоблашмоқда.