MLS расмий сайтида 2025 йилнинг энг яхши голи муаллифи номи эълон қилинди.
Мукофотни "Лос-Анжелес" футболчиси Сон Хён Мин қўлга киритди. Унинг чемпионатнинг 29-туридан ўрин олган "Даллас"га қарши ўйиндаги ажойиб жарима зарбаси овоз бериш жараёнида Лионель Мессининг голидан ўтиб кетди. Бу кореяликнинг Америка клубидаги дебют голи эди.
Эслатиб ўтамиз, Сон "Лос-Анжелес" сафига 2025 йилнинг август ойи бошида "Тоттенхэм"дан 22 миллион евро эвазига келиб қўшилган эди.
Маълумот ўрнида. Сон Хён Мин "Лос-Анжелес" сафида MLSда 10 та ўйинда 9 та гол урган ва 3 та голли узатмани амалга оширган.













