"Ювентус" "Челси" ҳимоячиси Мало Гюстони ўз сафига қўшиб олмоқчи, деб хабар беради Calciomercato.
Манбага кўра, итальян клуби 22 ёшли французни 2025 йилнинг ёзида ўз сафига қўшиб олишни режалаштирган "Атлетико" вакили Науэль Молинага муқобил вариант сифатида кўрмоқда.
Ҳимоячи Рис Жеймс ўз формасига қайтгани боис, "кўклар" агар мос таклиф тушса, Гюстонинг кетишига рухсат бериши мумкин.
Гюсто 2025/26 йилги мавсумда 10 та ўйинда 2 та голли узатмани амалга оширди. Унинг шартномаси 2030 йил 30 июнгача амал қилади.
Transfermarkt портали футболчининг трансфер қийматини 35 миллион еврога баҳолаган.













