Сўнгги муваффақиятсиз натижалар фонида "Ливерпуль" раҳбарияти бош мураббий Арне Слот билан янги шартнома бўйича музокараларни тўхтатишга қарор қилди. Бу ҳақда журналист Жеймс Уотленд хабар бермоқда.
Манбага кўра, кетма-кет муваффақиятсизликлардан сўнг клуб раҳбарияти ва Слот ўртасида жиддий суҳбат бўлиб ўтган. Мураббийга босим кучайишда давом этмоқда.
Эслатиб ўтамиз, Англия Премьер-лигасининг 9-тури доирасида "Ливерпуль" сафарда "Брентфорд"га 2:3 ҳисобида имкониятни бой берди. Ушбу мағлубият мерсисайдликлар учун чемпионат доирасидаги қаторасига тўртинчи мағлубият бўлди. Аввалроқ, Слотт шогирдлари "Манчестер Юнайтед" (1:2), "Челси" (1:2) ва "Кристал Пэлас"га (1:2) имкониятни бой берганди.
