So‘nggi muvaffaqiyatsiz natijalar fonida "Liverpul" rahbariyati bosh murabbiy Arne Slot bilan yangi shartnoma bo‘yicha muzokaralarni to‘xtatishga qaror qildi. Bu haqda jurnalist Jeyms Uotlend xabar bermoqda.
Manbaga ko‘ra, ketma-ket muvaffaqiyatsizliklardan so‘ng klub rahbariyati va Slot o‘rtasida jiddiy suhbat bo‘lib o‘tgan. Murabbiyga bosim kuchayishda davom etmoqda.
Eslatib o‘tamiz, Angliya Premyer-ligasining 9-turi doirasida "Liverpul" safarda "Brentford"ga 2:3 hisobida imkoniyatni boy berdi. Ushbu mag‘lubiyat mersisaydliklar uchun chempionat doirasidagi qatorasiga to‘rtinchi mag‘lubiyat bo‘ldi. Avvalroq, Slott shogirdlari "Manchester Yunayted" (1:2), "Chelsi" (1:2) va "Kristal Pelas"ga (1:2) imkoniyatni boy bergandi.
