Ўтган дам олиш кунлари Мадриднинг "Реал" ва Каталониянинг "Барселона" жамоалари ўртасида баҳс бўлиб ўтди. "Эл-класико" "Сантьяго Бернабеу" стадионида бўлиб ўтди ва 2:1 ҳисобида мезбонларнинг ғалабаси билан якунланди.
"Footmercato" нашрининг хабар беришича, принципиал ўйиндан сўнг Ламин Ямал ва Педри Instagram'да "қаймоқранглилар"нинг қанот ҳимоячиси Дани Карвахалга обунани бекор қилишган. Шунингдек, ҳимоячи ҳам ҳамюртларини кузатишни тўхтатган.
Ла Лиганинг 10 туридан сўнг "қироллик клуби" 27 очко билан мусобақа жадвалида пешқадамлик қилмоқда. "Кўк-анорранглилар" (22) иккинчи поғонадан жой олган.
