Лондоннинг "Тоттенхэм" клуби "Реал"нинг бразилиялик ҳужумчиси Эндрикнинг ҳолатини диққат билан кузатиб бормоқда. Бу ҳақда журналист Жеймс Дэвис маълум қилди.
Манбага кўра, Эндрик "Реал"даги ўйин амалиётидан норози ва январь ойида ижарага кетишга тайёр. Шу билан бирга, ҳужумчи ўз келажагини айнан "қаймоқранглилар" билан боғламоқда. Таъкидланишича, "шпорлар" Эндрикни қишки трансфер ойнасида таклиф қилиши мумкин, чунки унинг ўйин сифатлари клубга тўлиқ мос келади.
Жорий мавсумда 19 ёшли ҳужумчи бирор марта майдонга тушмади. Унинг "Реал" билан амалдаги шартномаси 2030 йилга қадар имзоланган.













