"Манчестер Сити" клуби бош мураббийи Хосеп Гвардиола матбуот анжуманида ҳужумчи Эрлинг Холанднинг ҳолатига изоҳ берди. Гвардиола Холанднинг яқинлашиб келаётган ўйинни ўтказиб юбориши мумкинлигига ишора қилди.
"Холанднинг аҳволи? Бугун уни ҳали кўрганим йўқ. Лекин бу шунчаки лат ейиш, кун саин аҳволи яхшиланиб боряпти. Бугун бизда машғулот бор, биз унинг ўзини қандай ҳис қилаётганини кўрамиз ва кейин у ўйнай оладими ёки йўқлигини ҳал қиламиз. Эртага Холанднга дам берсак бўладими? Ҳа", - деди Гвардиола журналистларга.
"Манчестер Сити" Лига кубоги доирасида "Суонси"га қарши сафар ўйинига тайёргарлик кўрмоқда.
