"Manchester Siti" klubi bosh murabbiyi Xosep Gvardiola matbuot anjumanida hujumchi Erling Xolandning holatiga izoh berdi. Gvardiola Xolandning yaqinlashib kelayotgan o‘yinni o‘tkazib yuborishi mumkinligiga ishora qildi.
"Xolandning ahvoli? Bugun uni hali ko‘rganim yo‘q. Lekin bu shunchaki lat yeyish, kun sain ahvoli yaxshilanib boryapti. Bugun bizda mashg‘ulot bor, biz uning o‘zini qanday his qilayotganini ko‘ramiz va keyin u o‘ynay oladimi yoki yo‘qligini hal qilamiz. Ertaga Xolandnga dam bersak bo‘ladimi? Ha", - dedi Gvardiola jurnalistlarga.
"Manchester Siti" Liga kubogi doirasida "Suonsi"ga qarshi safar o‘yiniga tayyorgarlik ko‘rmoqda.
