"Манчестер Сити" бош мураббийи Хосеп Гвардиола жамоанинг иккинчи дарвозабони - Жеймс Траффорд ҳақида гапирди.
"Дарвозабонлар билан вазият ўзгача - одатда биттаси ўйнайди, иккинчиси майдонга тушмайди. Фақат шуни айтишим мумкинки, биз Траффорддан жуда мамнунмиз. Унинг машғулотлардаги муносабати жуда яхши. Агар керак бўлса, ҳамма тайёр бўлиши керак - Премьер-лигада ҳам, Чемпионлар Лигасида ҳам. Траффорд - ажойиб дарвозабон", - деди Гвардиола матбуот анжуманида.
Айни дамда Хосеп Гвардиола "Манчестер Сити"ни Англия Лига кубоги 1/8 финали доирасида "Суонси"га қарши сафар ўйинига тайёрламоқда. Ўйин 29 октябрь, чоршанба куни бўлиб ўтади.
