"Манчестер Сити" ва "Бавария" Бундеслиганинг энг умидли ҳужумчиларидан бирини кузатиб бормоқда.
Германиялик журналист Кристиан Фалкнинг маълум қилишича, Европа грандлари "Кёлн"дан 19 ёшли Саид Ал-Малнинг трансфери учун курашишга тайёр. Мюнхен клуби мутасаддилари аллақачон "Кёлн" раҳбариятига мурожаат қилиб, футболчининг яқин вақт ичида клубга ўтиш шартларини билиб олишган.
Қайд этилишича, 19 ёшли германиялик футболчи "Пари Сен-Жермен" ва Миланнинг "Интер" клублари эътиборига тушган.
Саид Ал-Мала жорий мавсум "Кёлн" сафида Бундеслигада 8 та ўйинда 3 та гол ва битта голли узатмага муаллифлик қилди.
