"Челси" бош мураббийи Энцо Мареска яқинда "Сандерленд"дан учралган мағлубиятни (1:2) ёдга олди.

"Кўклар" шанба куни бўлиб ўтган Премьер-лиганинг 9-турида ўз майдонида кутилмаганда "қора мушуклар"га имкониятни бой бериб қўйди.

"Мен "Сандерленд"нинг тўққизта ўйинини томоша қилдим - уларнинг ҳеч бири жамоа беш ҳимоячи билан бошламаган, аммо бизга қарши ўйинни айнан беш ҳимоячи билан бошлашди. Кийиниш хонасида чигилёзди машқлари бошланишидан олдин футболчиларга: Бизнинг барча тайёргарлигимиз ахлат, "Сандерленд" беш ҳимоячи билан ўйнайди, дедим. Ўн дақиқа ичида ҳамма нарсани ўзгартиришга мажбур бўлдик. Бу қийин", - дея Маресканинг сўзларини келтиради журналист Бобби Винсент.

Бугун "Челси" Лига кубоги доирасида "Вулверхэмптон"га қарши баҳс олиб боради.