"Милан" бош мураббийи Массимилиано Аллегри ҳужумчи Рафаэль Леауни нима учун захирага олишга қарор қилгани ҳақида гапирди.
Италия чемпионати 9-туридан ўрин олган "Аталанта"га қарши баҳсда португалиялик футболчи асосий таркибда майдонга тушди, аммо танаффусда ўйиндан олинди.
"Леауни алмаштириш? У сонида ноқулайлик сезгани учун захирага олинди", - дея Аллегрининг сўзларини келтиради журналист Николо Скира.
"Аталанта" - "Милан" учрашуви 1:1 ҳисобида дуранг билан якунланди. "Россонерилар" сафидаги ягона голга Самуэль Риччи муаллифлик қилди.
Жорий мавсумда 26 ёшли Леау барча мусобақаларда 6та ўйинда майдонга тушиб, 4та гол муаллифига айланди.
