Дам олиш кунлари "Барселона" сафарда "Реал"га 1:2 ҳисобида ютқазди. Класико сўнггида "кўк-анорранглилар" ярим ҳимоячиси Педри иккинчи сариқ карточкасини олиб, майдондан четлатилди. Шу тариқа, 22 ёшли футболчи дисквалификация туфайли Ла Лиганинг навбатдаги ўйинини ўтказиб юборади.
АРА хабарига кўра, Педри мушакларидан ҳам жароҳат олган, шу сабабли у чоршанба куни тикланиш дастури бўйича спорт залида шуғулланган. Ярим ҳимоячи "бир неча ҳафта"ни ўтказиб юбориши кутилмоқда.
Манбанинг таъкидлашича, Педри нафақат дисквалификация сабаб "Эльче"га қарши ўйинни, балки "Брюгге" (Чемпионлар Лигаси) ва "Сельта"га қарши ўйинларни ҳам ўтказиб юбориши мумкин.
