"Челси" бош мураббийи Энцо Мареска Лига кубоги доирасида "Вулверхэмптон"га қарши ўйинда ҳужумчи Лиам Делапнинг четлатилгани ҳақида гапирди.
22 ёшли футболчи жароҳатини даволаб, сўнгги икки ой ичида илк бор майдонга тушди, бироқ қайтиш муваффақиятсиз бўлди: 61-дақиқада форвард захирадан майдонга тушди, 86-дақиқада эса иккинчи сариқ карточкани олиб, майдондан четлатилди.
"Аҳмоқона қизил карточка. Делап четлатилмаслиги керак эди. Биринчи сариқдан кейин тўрт-беш марта ундан хотиржам бўлишни илтимос қилдим. Баъзида у ўз-ўзи билан ўйнаётгандек бўлади, шунчаки атрофдаги ҳеч кимни сезмайди", - дея Маресканинг изоҳларини келтиради журналист Бобби Винсент.
"Челси" "Вулверхэмптон"ни мағлуб этиб (4:3), Лига кубогининг 1/4 финалига чиқди ва у ерда "Кардифф Сити"га қарши ўйнайди.
