"Барселона" келаси мавсумда Роберт Левандовскига ўринбосар қидирмоқда. "Кўк-анорранглилар" рўйхатидаги асосий номзодлар сифатида сўнгги вақтларда Мадриднинг "Атлетико" клубидан Хулиан Альварес ва "Ювентус"дан Душан Влахович тилга олинмоқда.
E-Notícies хабарига кўра, Каталония клуби аргентиналикдан воз кечиб, эътиборни сербиялик футболчига қаратишга қарор қилган. Ҳамма гап нархда: Альвареснинг трансфери камида 100 млн еврога тушади, Влаҳович эса катта эҳтимол билан эркин агент сифатида қўлга киритилади.
Роберт Левандовскининг шартномаси келаси ёзда тугайди. Жорий мавсумда 37 ёшли польшалик жароҳатлар туфайли тез-тез сафдан чиқмоқда.
