Лондоннинг "Челси" клуби яна бир бор ҳимоя чизиғини кучайтириб, янги марказий ҳимоячи сотиб олишни режалаштирмоқда. Бу ҳақда Football Insider нашри хабар бермоқда.
Манбага кўра, ҳимоячи сотиб олиш бош мураббий Энцо Марескининг устувор вазифаси ҳисобланади. Шу билан бирга, "кўклар" жамоа устозининг узоқ муддатли режаларидан ўрин олмаган Трево Чалобани сотиб юборишга тайёр.
2025/26-йилги мавсумда Чалоба барча турнирларни ҳисобга олган ҳолда 12 та ўйинда майдонга тушди ва иккита гол урди.
26 ёшли ҳимоячининг "Челси" билан амалдаги шартномаси 2028 йилга қадар имзоланган. Transfermarkt экспертлари англияликнинг нархини 32 миллион еврога баҳоламоқда.
