"Ювентус" ҳужумчиси Душан Влахович жамоасининг ғалаба қозонишига ёрдам берган "Удинезе"га қарши ўйиндан сўнг ўз фикрларини билдириб ўтди. Италия А Серияси 9-туридан ўрин олган учрашув 3:1 ҳисобида якунланди.
"Мен бир мавсумда 100та гол уришни истардим. Олқиш учун мухлисларга раҳмат. Мен ўзимни жамоа етакчиси деб ҳис қилмайман. Бир ярим йил ичида учта мураббий алмашган бўлса, бу ҳамманинг айби. Жаноб Тудорга қилган иши учун миннатдорчилик билдираман", - дея Влаховичнинг сўзларини келтиради журналист Николо Скира.
Жорий мавсумда сербиялик ҳужумчи барча мусобақаларда 12 та ўйинда майдонга тушиб, бешта гол урди ва битта самарали узатма муаллифига айланди.
