Қишки трансферлар вақтида "Манчестер Сити" Леверкузеннинг "Байер" клуби ярим ҳимоячиси Клаудио Эчеверрини ижарадан қайтариши мумкин. Бу ҳақда Sport Witness нашри хабар бермоқда.
Манбага кўра, "шаҳарликлар" 19 ёшли аргентиналик етарли ўйин амалиётига эга бўлмаса, уни қайтариш вариантини кўриб чиқади. Шу билан бирга, "Манчестер Сити" Эчеверрини таркибда қолдиришни режалаштирмаяпти, клуб унга кўпроқ ўйнайдиган бошқа ижара вариантини топмоқчи.
Жорий мавсумда Эчеверри барча мусобақаларда 6 та ўйинда майдонга тушди ва 1 та голли узатмани амалга оширди. Умумий ҳисобда хавбек 127 дақиқа ўйнади.













