Мадриднинг "Реал" клуби собиқ ҳужумчиси Робиньо қамоқхонадаги ҳаёти ҳақида гапириб берди.
Футболчи тўққиз йиллик қамоқ жазосига ҳукм қилинган.
"Менда ҳеч қандай имтиёз бўлмаган. Ташрифлар дам олиш кунлари амалга оширилади. Мени хотиним келиб кўради. Баъзан болаларим билан келади. Ташрифлар борасида ҳаммага бир хил муносабатда бўлинади. Менинг режимим ва овқатланишим бошқа маҳбусларники каби. Мен қамоқхонада қандайдир обрўга эга эмасман," - дея бразилияликнинг сўзларини келтиради Mirror.
Робиньо "Сантос" тарбияланувчиси ҳисобланади. Европада у "Милан", "Реал" ва "Манчестер Сити"даги ўйинлари билан танилган. Бразилия терма жамоаси сафида ҳужумчи 100 та ўйин ўтказиб, 29 та гол урган.
