Туркия чемпионатининг 11-тури доирасида «Башакшеҳир» клуби ўз майдонида «Хўжайлиспор» жамоасига қарши баҳс олиб борди.
Учрашув тақдирини ягона гол ҳал қилди. Ўйинга қўшиб берилган дақиқалар бошланган пайтда меҳмонлар дарвозаси томон пенальти белгиланди. Элдор Шомуродов масъулиятни зиммасига олди ва 11 метрли жарима зарбасини голга айлантирди.
Ушбу гол «Башакшеҳир»га ғалаба келтирди. Натижада жамоа ўз очколарини 13 тага етказиб, жадвалда 9-ўринга кўтарилиб олди.
Шомуродовнинг Суперлигадаги голлари сони 7 тага етди.













