"Ливерпуль"да спорт директори лавозимида ишлаб келаётган Ричард Хьюз "Ал-Ҳилол"дан таклиф олди. 46 ёшли функционернинг Саудия Арабистони клуби билан музокаралари аллақачон юқори босқичга кўтарилган, деб ёзади The Anfield Talk Саудия Арабистони ОАВларига таяниб.
Ричард Хьюз "Ливерпуль"даги лавозимини 2024 йилнинг ёзида эгаллаганди. Аввалроқ шотландиялик ўн йил давомида "Борнмут" техник директори лавозимида ишлаган.
"Ал-Ҳилол" Саудия Арабистони чемпионатида 7-турдан кейин турнир жадвалида 2-ўринда бормоқда. Жамоа бош мураббийи Симоне Индзаги бўлиб, у аввал Миланнинг "Интер" клубида ишлаган.













