"Манчестер Юнайтед" бош мураббийи Рубен Аморим ўз лавозимини тарк этиш ҳақида ўйлаганини айтди.
"Мен жуда қийналган пайтларим бўлган ва балки бу тақдир эмасдир, деб ўйлаганман. Бугун ҳаммаси аксинча. Ҳозир бу ҳаётимдаги энг яхши қарор бўлганини ҳис қиляпман ва биламан, шу ерда бўлишни хоҳлайман," - дея Аморимнинг сўзларини келтиради BBC.
40 ёшли португалиялик "МЮ"ни 2024 йилнинг ноябрида қабул қилиб олганди. Унинг қўл остида жамоа барча мусобақаларда 52 та ўйин ўтказди. Жорий мавсум манкунианликлар АПЛнинг 9 турида 5 ғалабага эришди ва 16 очко билан АПЛ турнир жадвалида 6-ўринни эгаллаб турибди.













