"Ливерпуль" кетма-кет тўрт ўйинда мағлуб бўлиб, Премьер-лига турнир жадвалида еттинчи ўринга тушиб кетди.

"Қизиллар"нинг асосий муаммоларидан бири - ҳимоядаги ишончсиз ўйин, буни статистика ҳам тасдиқлайди: Times Sport таъкидлаганидек, мерсисайдликлар ўз дарвозаси яқинида 19 та аниқ голли вазиятни (стандартлардан ташқари) ўтказиб юборди - бу чемпионатдаги "Бёрнли"дан (21) кейинги иккинчи энг ёмон кўрсаткичдир. Шуниси эътиборга лойиқки, Арне Слот жамоаси яратилган аниқ вазиятлар бўйича етакчилардан бири - 21 (фақат "Манчестер Сити"да кўпроқ - 23).

Бугун "Ливерпуль" ўз майдонида ўнинчи тур учрашувида "Астон Вилла"ни қабул қилади.