"Манчестер Юнайтед" бош мураббийи Рубен Аморим жамоа футболчиларини кимнинг мисолида илҳомлантираётгани ҳақида гапирди.

"Мен Каземирони бошқа футболчиларга ўрнак қилиб кўрсатаман. У бошланғич таркибдаги ўрнини йўқотгани, аммо курашни давом эттириб, якунда асосий таркибга қайтганини эслатиб тураман. Бу менга жамоага ҳар кимда имконият борлигини, мен ҳамма билан адолатли муносабатда бўлишимни етказишга ёрдам беради," - дея Аморимнинг сўзларини келтиради The Touchline.

Жорий мавсумда Каземиро 8 та ўйинда 2 та гол ва 1 та ассистни ўз ҳисобига ёздириб қўйди.