Бразилиялик ҳимоячи «ПСЖ» футболчиси Лукас Беральдо клубни тарк этмоқчи экани ҳақидаги миш-мишларни рад этди.
«Мен ҳақимда чиққан ёлғон хабарларни кўрдим. Мен “ПСЖ”да ўзимни жуда бахтли ҳис қиламан. Бу жамоа сафида ўйнаш ва унинг шарафини ҳимоя қилиш — шубҳасиз, орзумнинг амалга ошишидир. Мен тўлиқ диққатимни жамлаб, жамоадошларим билан биргаликда мақсадларимизга етиш учун бор кучимни бермоқдаман», — деб ёзди футболчи ижтимоий тармоқда.
Аввалроқ Бералдо жамоадаги ролидан норози экани ва қишки трансфер ойнасида бошқа клубга ўтиш имкониятини кўриб чиқаётгани ҳақида хабарлар тарқалган эди.
Жорий мавсумда футболчи Франция Лига 1 мусобақасида еттита ўйинда иштирок этиб, бир гол урган.
