"Реал"нинг исроиллик мухлиси Игал Бродкин Испания чемпионатининг 10-туридан ўрин олган "Барселона"га қарши ўйинда трибунада вафот этди, деб хабар беради sport.es.
Қайд этилишича, ўйиннинг 52-дақиқасида "қаймоқранглилар" ҳужумчиси Килиан Мбаппенинг пенальтидан уролмаган голидан кейин 50 ёшли мухлис ҳушидан кетган. Бошқа мухлислар ва "Реал" дарвозабони Тибо Куртуа бош ҳакамга ўйинни тўхтатиш кераклиги ҳақида сигнал берган, аммо бу амалга ошмаган.
Стадион тиббий хизматчилари Бродкинга шошилинч ёрдам кўрсатди. Бемор шифохонага ётқизилган, бироқ бир неча соатдан сўнг у касалхонада вафот этган.
Ўйин 26 октябрь куни Мадриддаги "Сантьяго Бернабеу" стадионида бўлиб ўтди ва 2:1 ҳисобида "Реал"нинг ғалабаси билан якунланди.
