Тошкентда йиғин ўтказаётган “Нефтчи” биринчи ўртоқлик учрашувида амалдаги чемпион "Пахтакор" билан дуранг ўйнади. Бу ҳақда иккала клуб расмий сайтида маълумот берилган.

Ўйинда 1:1 ҳисоби қайд этилган. Фарғоналиклар сафида Иқбол Акрамов пенальтидан ҳисобни очган бўлса, иккинчи таймда мезбонларнинг захирадан тушган футболчиси Абдуллоҳ Олимов ҳисобни тенглаштирган.

Иккала жамоа таркибида бир қатор футболчилар кўрикдан ўтказилди. Хусусан, "Пахтакор" сафида Анвар Солиев захирадан ўйинга қўшилгани эътиборга молик.

ЎРТОҚЛИК УЧРАШУВИ
"Пахтакор" – "Нефтчи" - 1:1 (0:1)
"Пахтакор": Лобанов, Мерзляков, Козак, Холмуҳаммедов, Ҳошимов, Махарадзе, Исматуллаев, Қиличев, Каримов, Шарофутддинов, Сергеев.
Захирадан тушганлар: Машарипов, Олимов, Рекун, Солиев, Убайдуллаев, Шихов, Фомин, Махсталиев.
"Нефтчи", 1-тайм: Ҳасанов, Ҳожиакбаров, Насибуллаев, Пўлатов, Эрматов, Акрамов, Пономарёв, Мирзаев, Асқаралиев, Саидов, Отақўзиев.
2-тайм: Турдалиев, Бобохонов, Кимсанов, Жумаев, Алижонов, Исроилов, Мамазулунов,  Соипов, М, Камолов.

"Пахтакор" навбатдаги учрашувини 23 июль куни "Динамо" билан ўтказади.