"Ливерпуль" бош мураббийи Арне Слот АПЛ доирасидаги "Астон Вилла"га (2:0) қарши ўйиндан кейин ўз фикрлари билан ўртоқлашди.
"Ҳар бир ўйинда жамоалар ўртасидаги фарқ катта эмас - барчасини деталлар ҳал қилади. 5-дақиқада "Астон Вилла" дарвоза устунига зарба берди, бу сафар ҳам стандартлардан гол ўтказиб юборишимиз мумкин эди. Бугун бироз омадимиз келди, сўнгги пайтларда бундай бўлмаган эди. Иккинчи голимиз омад кулиб боққанидан сўнг урилди. Футболчилар ва мухлислар бу оқшом ғалаба қозониш қанчалик муҳимлигини ҳис қилишди. Биз характер кўрсатдик ва мақсадимизга эришдик," - дея Слотнинг сўзларини келтиради BBC.
"Ливерпуль" очколарини 18 тага етказиб, ўн турдан сўнг АПЛ турнир жадвалида учинчи ўринга кўтарилиб олди.
