Мадриднинг "Реал" клуби ҳужумчиси Эндрик жорий мавсумдаги дебютини ноябргача кутишига тўғри келди. 19 ёшли футболчи шанба куни Ла Лигада "Валенсия"га қарши ўйиннинг 79-дақиқасида Килиан Мбаппе ўрнига майдонга тушди, ўйинда таблода "қаймоқранглилар" фойдасига 4:0 ҳисоби қайд этилганди. Бразилиялик футболчи жорий мавсумда илк бор майдонга тушди, шунингдек, бу унинг ҳозирги бош мураббий Хаби Алонсо давридаги илк ўйинидир.
Эндрик ўзининг олдинги ўйинини 18 май куни Карло Анчелотти бошчилигида ўтказган эди. Кейинчалик ёш ҳужумчи жароҳат олди ва сентябрь ойида сафга қайтди.
Январь ойида Эндрик ижара асосида Франциянинг "Лион" клубига ўтиши мумкин.
