Италия чемпионатининг ўнинчи туридан ўрин олган сафар учрашувида Туриннинг «Ювентус» жамоаси «Кремонезе»ни 2:1 ҳисобида мағлуб этди. Бу натижа ҳақида «кекса синьора» бош мураббийи Лучано Спаллетти фикр билдирди.
«Жамоа учрашувнинг биринчи ярмининг катта қисмини яхши ўтказди. Бизда етарлича голли имкониятлар бўлди, энди фақат уларни амалга ошириш устида ишлашимиз керак. Жамоада катта салоҳият бор», — деб италиялик мутахассиснинг сўзларини клуб матбуот хизмати келтирган.
«Бьянконерилар» 18 очко жамғарган ҳолда А Серия жадвалида бешинчи ўринни эгаллаб турибди. Спаллетти шогирдлари етакчи «Наполи»дан тўрт очкога ортда қолмоқда.
