"Арсенал" бош мураббийи Арсен Венгер жамоанинг трансфер бозоридаги юмушлари ҳақида гапириб ўтди. Интервьюни The Guardian мухбири ташкил этган.
"Трансфер бозорида қандайдир аниқ мақсад билан ҳаракат қилаётганимиз йўқ. Олдимизда Рунини ҳарид қилиш варианти бор. Лекин бу борада ҳам конкрет маълумот беришим қийин. Трансферлар устида, албатта, ишлаяпмиз, аммо яқин орада бирон ҳаридни амалга оширмаймиз, дейишим мумкин.
Европада ўйинчилар учун жиддий рақобат кетяпти: пул кўп, лекин футболчи кам.
Фабрегас келаси йил "Барселона" сафида қолишни маъқул кўрди. Ҳар холда, менга шундай дейишди. Албатта, у фикрини ўзгартириб қолиши мумкин, лекин билмайман... Унинг шартномасида "Арсенал"га қайтиши мумкинлиги борасида алоҳида банд бор, шундай экан ҳар қандай вазиятга тайёр туришимиз керак. Лекин ҳозир ҳеч нарса бўлмаяпти, тинчлик", деди Венгер.